Zawgyi Version
မျက်ရည်တွေ အလျားလိုက်ရွာကျတဲ့နေ့က
အပြာပြန့်ပြန့် ကောင်းကင်ထဲမှာ
ငါ့ကိုယ်ငါ ပြန်ရှာမရခဲ့ဘူး
ဒီလိုနဲ့
ပင်လယ်ပြင်ဟာ အဝါဖြစ်လာခဲ့တယ်။
နေသားတကျ အိပ်ရေးပျက်မှုက
အသည်းကို ထိခိုက်ပျက်စီးစေသတဲ့လား
ပြောရရင်
သွေးလွှတ် သွေးပြန်ကြောတွေနဲ့
ဇီဝဓာတ်ပေါင်းတွေအကြောင်း
ကောင်းကောင်းနားမလည်ပါဘူးကွယ်။
နင့်ကျောင်းက ခေါင်းလောင်းသံလေး ပျ့ံမွှေးဖို့
ငါ့အသက်ရှုသံကို တိုးတိတ်
ဘယ်လိုညတွေဖြစ်ဖြစ်
နင်ကတော့ ပျော်အောင်အိပ်ပါ။
အိပ်မက်လှလှလည်း မက်ပါ။
မှောင်နေတဲ့ ငါ့အတွက်တော့
ဟိုး သမိုင်းဦးဘုံမြေခေတ်က
အနားမညီတြိဂံတစ်ခုလို
စိတ်ရှိလက်ရှိပြန်ချံု့ရင်း
ငါ့ရင်ဘတ်ကို အသာအယာဆွဲပိတ်
ကျောက်ရုပ်လို အသံတိတ်နေလိုက်ပါ့မယ်…။
မိုးငယ်
၂၉ မတ် ၂၀၁၄
No comments:
Post a Comment